এটি পদ্ধতিগত অভিগমন আৰু সাংগঠনিক প্ৰস্তুতিৰ বাবে আৰু ইয়াৰ জৰিয়তে প্ৰধান লক্ষ্যসমূহত সফলতাৰে উপনীত হ’বলৈ এই পৰিকল্পনা যুগুতোৱা হৈছে। অগ্নি আৰু আপদকালীন সেৱাৰ নীতি হৈছে ভূমিকম্পৰ দৰে প্ৰাকৃতিক দুৰ্যোগৰ সময়ছোৱাত আৰু বিভিন্ন দুৰ্যোগপূৰ্ণ পৰিৱেশত সেৱা আগবঢ়োৱা। এই সংগঠনৰ মূলমন্ত্ৰ হৈছে “We Serve to Save” অৰ্থাৎ জীৱন-সম্পত্তি ৰক্ষাৰ বাবে আমি সেৱা আগবঢ়াও। সকলো ধৰণৰ জীৱন, সম্পত্তি আৰু ৰাজহুৱা সুৰক্ষাৰ প্ৰতি ভাবুকিৰ সৃষ্টি কৰা আপদকালীন অৱস্থাত ফলপ্ৰসূ আৰু সুদক্ষ সহযোগিতা তথা সেৱা আগবঢ়াবলৈ এই বিভাগ দৃঢ়সংকল্পবদ্ধ।
মানৱ সৃষ্ট বা প্ৰাকৃতিক সকলো ধৰণৰ দুৰ্যোগ প্ৰশমণ কৰি দুৰ্গত লোকক সেৱা আগবঢ়াবলৈ অগ্নি আৰু আপদকালীন সেৱা আৰু এছডিআৰএফ বাহিনীৰ সৈতে যোগাযোগ কৰা হয়। সম্প্ৰতি এই বিভাগ অসম চৰকাৰৰ গৃহ (বি) বিভাগৰ প্ৰশাসনীয় নিয়ন্ত্ৰণৰ অধীনত আছে আৰু ১১০ টা অগ্নি আৰু আপদকালীন সেৱা ষ্টেচন আৰু ২৭৪১ গৰাকী বিষয়া কৰ্মচাৰীৰ মানৱশক্তিৰে সমগ্ৰ ৰাজ্যবাসীৰ জীৱন আৰু সম্পত্তিৰ সুৰক্ষা প্ৰদান কৰাৰ প্ৰতিজ্ঞাৰে কাম কৰি আছে।
(১) চিনাক্তকৰণ কৰা হোৱা পাহাৰীয়া অঞ্চল যি ভূমিকম্প আৰু ভূমিস্খলনত ক্ষতিগ্ৰস্ত হোৱাৰ সম্ভাৱনা থাকে তেনে স্থানত বিশেষ সজাগতা অভিযান অনুষ্ঠিত কৰা।
(২) এপাৰ্টমেণ্টসমূহত ভূমিকম্প আৰু অগ্নিকাণ্ডৰ দৰে দুৰ্যোগৰ বিৰুদ্ধে বিশেষ সজাগতা কাৰ্য্যসূচীৰ আয়োজন।
(৩) বহু মহলীয়া অট্টালিকা আৰু গুৰু উদ্যোগসমূহত অগ্নি আৰু ভূমিকম্পৰ পৰা সুৰক্ষাৰ উদ্দেশ্যে বিশেষ পৰিদৰ্শন অভিযান।
(৪) বাতৰি কাকত, মুদ্ৰণ আৰু বৈদ্যুতিক মাধ্যমৰ যোগেদি ভূমিকম্পৰ পৰা সুৰক্ষাৰ উপায়সমূহ প্ৰচাৰ কৰা।
(১) ‘ষ্টেণ্ডিং অপাৰেছন প্ৰোচিডিয়াৰ’ নিয়ম অনুসৰি অগ্নি আৰু আপদকালীন ষ্টেচনৰ সৈতে যোগাযোগ স্থাপন কৰিবলৈ ১১০ নং সক্ৰিয়কৰণ।
(২) ১১০ যোগাযোগ নম্বৰ সুগম কৰা কাৰ্য্যৰ জৰিয়তে অগ্নি আদিৰ পৰা সংঘটিত হোৱা দুৰ্যোগৰ বিৰুদ্ধে যুঁজ কৰাটো আৰু প্ৰয়োজনৰ সময়ত সা-সম্পত্তি উদ্ধাৰ কৰাটো সম্ভৱপৰ হয়।
(৩) সৰ্বোচ্চ ৰূপত ফলাফল লাভ কৰিবলৈ উপলব্ধ সম্পদৰ ব্যৱহাৰ নীতি।
(১) আপদকালীন অৱস্থা উদ্ভৱ হোৱাৰ তথ্য লাভ কৰাৰ লগে লগে সেই অঞ্চলৰ দায়িত্বত থকা অগ্নি আৰু আপদকালীন ষ্টেচনেই হয় এই ঘটনাৰ প্ৰতি প্ৰথম সঁহাৰি জনাওঁতা।
(২) তথ্যসমূহ জ্যেষ্ঠসকললৈ ক্ৰম অনুসৰি আগবঢ়াই দিয়া আৰু পুনৰ প্ৰণয়ন ব্যৱস্থাৰ সংহতি স্থাপন।
(৩) উদ্ভৱ হোৱা অৱস্থাৰ ওপৰত নিৰ্ভৰ কৰি দলৰ প্ৰতিগৰাকী সদস্যই তাত উপস্থিত জ্যেষ্ঠ বিষয়াৰ নিৰ্দেশত তেওঁলোকৰ কৰ্তব্য সম্পাদন কৰে।
(৪) প্ৰয়োজনৰ সময়ত আকস্মিক পৰিকল্পনা আৰু মান কাৰ্য্যসম্পাদন পদ্ধতি (ষ্ট্যাণ্ডাৰ্ড অপাৰেটিং প্ৰোচিডিয়াৰ) অনুসৰি তাত উপস্থিত সৰ্বোচ্চ বিষয়াই উপলব্ধ থকা উৎসসমূহৰ পৰা অধিক সম্পদৰ আহৰণ কৰিব পাৰে।
