ভুক্তভোগী ক্ষতিপূৰণ নিধি হৈছে এটি আঁচনি যাৰ জৰিয়তে ভুক্তভোগী নতুবা তেওঁৰ ওপৰত নিৰ্ভৰশীল ব্যক্তিক কোনো অপৰাধমূলক ঘটনাৰ পৰিপ্ৰেক্ষিতত তেওঁলোকে সন্মুখীন হোৱা ক্ষতিৰ বা আঘাতৰ বাবে ক্ষতিপূৰণ প্ৰদানৰ ব্যৱস্থা কৰা হয়। ৰিহেবিলিটেশ্বন বিচৰা ব্যক্তিসকলৰ বাবেও এই আঁচনি প্ৰযোজ্য। ৰাজ্য চৰকাৰে প্ৰতি বছৰে এই উদ্দেশ্যে এক বিশেষ বাজেট নিৰ্ধাৰণ কৰে। এই নিধি ৰাজ্যিক আইনী সেৱা কৰ্তৃপক্ষৰ সদস্য সচিবে পৰিচালনা কৰে আৰু প্ৰয়োজন অনুসৰি সময়ে সময়ে জিলা আইনী সেৱা কৰ্তৃপক্ষলৈ এই নিধি আগবঢ়োৱা হয়।
বেংক ট্ৰ্যান্সফাৰ পদ্ধতিৰ জৰিয়তে এই নিধি প্ৰদানৰ ব্যৱস্থা কৰা হয়।
ন্যায়ালয়ে নিৰ্দেশ প্ৰদান কৰিলে নতুবা কোনো ভুক্তভোগী ব্যক্তিয়ে নতুবা তেওঁৰ ওপৰত নিৰ্ভৰশীল ব্যক্তিয়ে আবেদন কৰিলে জিলা আইনী সেৱা কৰ্তৃপক্ষ বা ৰাজ্যিক আইনী সেৱা কৰ্তৃপক্ষই এই মোকৰ্দমাসমূহ পৰীক্ষা কৰে আৰু সত্যাসত্য বিচাৰ কৰে। ইয়াৰ উপৰিও প্ৰয়োজন অনুসৰি সত্য ঘটনাৰ প্ৰামাণিকৰণৰ বাবে অন্য নথিও তেওঁলোকে বিচাৰিব পাৰে। সত্যাসত্য পৰীক্ষণৰ অন্তত কৰ্তৃপক্ষই দুমাহৰ ভিতৰত ক্ষতিপূৰণৰ ধন আগবঢ়ায়।
এই আবেদন কৰাৰ দুমাহৰ ভিতৰত নিধি প্ৰদান কৰা হয়।
ইয়াৰ বাবে ৰাজ্যিক আইনী সেৱা কৰ্তৃপক্ষ অথবা জিলা আইনী সেৱা কৰ্তৃপক্ষৰ ওচৰত আবেদন কৰিব লাগে।
এই সেৱাৰ প্ৰকাৰ অফলাইন।
গৃহ আৰু ৰাজনৈতিক বিভাগ
চিএম ব্লক, তৃতীয় মহলা,অসম সচিবালয়
